TeluguOne Health
● # Tweets

Download the TeluguOne App

Choose your platform to continue

తెలంగాణలో ప్రియాంకగాంధీ  ప్రచారం 

Published on: Fri Nov 24, 2023 11:02AM

కాంగ్రెస్ అగ్రనేత ప్రియాంక గాంధీ మరో మారు తెలంగాణ ఎన్నికల ప్రచారంలో పాల్గొనబోతున్నారు. ఈ నెల 30వ తేదీన పోలింగ్ ఉంది. ఈ నెల 28న ప్రచారం ముగియనుండటంతో  ప్రధాన పార్టీలైన బిఆర్ఎస్,  కాంగ్రెస్ పార్టీలు నువ్వా నేనా అన్నట్లు ప్రచారం చేస్తున్నాయి. తెలంగాణలో తొమ్మిదిన్నర సంవత్సరాలు అధికారంలో ఉన్న కేసీఆర్  ప్రభుత్వంపై ప్రజా వ్యతిరేకత  రోజు రోజుకు ఎక్కువవుతుంది. యాంటీ ఇన్ కంబెన్సీ ఎక్కువవడంతో ఈ అవకాశాన్ని కాంగ్రెస్ పార్టీ జారవిడుచుకోకుండా జాగ్రత్త పడుతుంది. తెలంగాణ ఇచ్చిన పార్టీగా కాంగ్రెస్ పార్టీ ప్రజల్లోకి వెళ్లింది. కర్ణాటకలో ఫైవ్ గ్యారెంటీస్ తో అధికారంలో వచ్చిన కాంగ్రెస్ తెలంగాణలో సిక్స్ గ్యారెంటీస్ తో అధికారాన్ని హస్తగతం చేసుకోవాలని చూస్తోంది. ఇప్పటికే కాంగ్రెస్ అగ్రనేతలు సోనియాగాంధీ, రాహుల్ గాంధీ, ప్రియాంక గాంధీలు తెలంగాణ  ఎన్నికల ప్రచారంలో మమేకమయ్యారు. ఎన్నికల ప్రచారానికి ఇంకా 5 రోజులు మాత్రమే ఉండటంతో కాంగ్రెస్ అగ్రనేతలు స్పీడ్ పెంచారు. ప్రియాంకగాంధీ ఇవ్వాళ , రేపు (నవంబర్ 24, 25 ) తెలంగాణలో పర్యటిస్తున్నారు. శుక్రవారం పాలకుర్తి, హుస్నాబాద్, కొత్తగూడెంలో మిత్రపక్షమైన సిపిఐ అభ్యర్థి కూనంనేని సాంబశివరావు తరపున ప్రచార సభల్లో ఆమె ప్రసంగించనున్నారు.ఇవ్వాళ ఖమ్మంలో బసచేసి శనివారం పాలేరు, సత్తుపల్లి, మధిర ప్రచారసభల్లో ఆమె ప్రసంగించనున్నారు. అనంతరం విజయవాడ చేరుకుని గన్నవరం ఎయిర్ పోర్ట్ నుంచి తిరిగి ఢిల్లీ తిరుగు ప్రయాణం కానున్నారు.