హైదరాబాద్‌ మాదాపూర్‌లోని అయ్యప్ప సొసైటీ ప్రాంతంలో ఒక విద్యాసంస్థకి చెందిన జూనియర్ కళాశాలలో శ్రీనివాస్ అనే వ్యక్తి ప్రిన్సిపాల్‌గా పనిచేస్తున్నాడు. పిల్లలకు బుద్ధులు చెప్పాల్సిన విధి నిర్వహణలో వున్న అతను తానే బుద్ధి తక్కువ పని చేయడం మొదలుపెట్టాడు. అదే కళాశాలలో పనిచేస్తున్న ఒక యువతిని శ్రీనివాస్ గత పది రోజులుగా లైంగికంగా వేధిస్తున్నాడు. తాను చెప్పినట్టు వినకపోతే ఉద్యోగం తీయించేస్తానని, నీ గురించి దుష్ప్రచారం చేస్తానని ఆమెని బెదిరిస్తున్నాడు. పదిరోజులుగా ఓర్పు వహించిన ఆమె గురువారం నాడు మాదాపూర్ పోలీసులకు ఫిర్యాదు చేసింది. పోలీసులు జీవితంలో ప్రిన్సిపుల్స్ లేని ఆ ప్రిన్సిపాల్‌ని అరెస్టు చేశారు.