మా అమ్మ తొలిసారిగా నా ఇంటికి వచ్చింది
posted on May 16, 2016 10:07AM
ఢిల్లీకి రాజైనా అమ్మకు కొడుకే..ఎంతటి వారైనా అమ్మ ప్రేమకు బంధీ అవ్వాల్సింది. సాక్షాత్తూ దేశ ప్రధాని తన అమ్మ కోసం సేవకుడిగా మారాడు. ఆయన ఎవరో కాదు, భారత ప్రధాని నరేంద్రమోడీ. ఎప్పుడూ ఊపిరి సలపనంత బిజీగా ఉండే ప్రధాని కాసేపు పనుల్నీ పక్కనబెట్టి తన తల్లి హీరాబెన్కు సేవలు చేస్తూ గడిపారు. మోడీ ప్రధాని అయిన రెండేళ్ల తరువాత హీరాబెన్ తొలిసారి ఢిల్లీ రేస్ కోర్సు రోడ్డులోని ప్రధాని అధికార నివాసం 7 బంగ్లాకు వచ్చారు. రాక రాక అమ్మ రావడంతో మోడీ ఖుషి అయ్యారు. స్వయంగా అమ్మను వీల్చైర్లో తీసుకెళ్లి గార్డెన్ చూపించారు. తల్లికి నీళ్లు అందించి సేవలు చేశారు. ఈ సందర్భంగా తల్లితో దిగిన ఫోటోలను ప్రధాని ట్విట్టర్లో పోస్ట్ చేశారు. నా అధికార నివాసానికి అమ్మ తొలిసారి వచ్చింది. చాలా రోజుల తర్వాత ఆమెతో విలువైన సమయం గడిపాను అంటూ ట్వీట్ చేశారు.