మచిలీపట్నం సమీపంలోని గూడూరు గ్రామంలో వెంకన్న అనే ఒక యువకుడు భార్య, కూతుర్ని దారుణంగా హత్య చేసి, అనంతరం తాను కూడా ఆత్మహత్య చేసుకున్న సంఘటనలో మరిన్ని విషయాలు వెలుగులోకి వచ్చాయి. వెంకయ్య చేతిలో మరణించిన అతని భార్య నిండు గర్భిణి అని తెలుస్తోంది. నిండు గర్భిణి అని కూడా చూడకుండా ఆమె గొంతుకోసి చంపాడు. ప్రస్తుతం వీరిద్దరికీ ఒక కుమార్తె వుంది. ఆమెని కూడా వెంకన్న చంపేశాడు. మరణించిన బాలిక తన కుమార్తె కాదని వెంకన్న నిరంతరం భార్యని వేధిస్తూ వుండేవాడని తెలుస్తోంది. ఇలాగే భార్య మరోసారి గర్భం దాల్చింది. ఆమె గర్భం దాల్చడానికి కూడా తాను కారణం కాదని వెంకన్న ఆమెని నిరంతరం వేధిస్తూ వుండేవాడని తెలుస్తోంది.