మాజీ లవరు మైండు తింటున్నాడు: ప్రీతీజింతా ఫిర్యాదు
Published on: Sat Jun 14, 2014 12:38PM
.jpg)
ప్రీతీజింతా తన మాజీ లవర్ మీద పోలీసులకు ఫిర్యాదు చేసింది. బాలీవుడ్ నటిగా మాత్రమే కాకుండా కింగ్స్ ఎలెవన్ పంజాబ్ జట్టుకు ఓనర్ కూడా అయిన ప్రీతీజింతా బిజినెస్మేన్ అయిన నెస్వాడియాతో గతంలో ప్రేమాయణం నడిపింది. ఇద్దరి మధ్య ఏమైందోగానీ కొంతకాలంగా వీళ్ళిద్దరూ ఎడమొహం పెడమొహంగా వున్నారు. లేటెస్ట్.గా నెస్వాడియాపై పోలీసులకు ఫిర్యాదు చేసింది. మే 30న వాంఖేడ్ స్టేడియంలో పంజాబ్-చెన్నై జట్ల మధ్య జరిగిన మ్యాచ్ సందర్భంగా తనతో నెస్ వాడియా అసభ్యంగా ప్రవర్తించాడని, తనమీద చెయ్యి చేసుకున్నాడని, ఈ విషయాన్ని బయటపెడితే తనను చంపేస్తానని కూడా బెదిరించాడని ఆమె తన ఫిర్యాదులో పేర్కొంది. ప్రీతి ఫిర్యాదు మేరకు ముంబయి మెరైన్ డ్రైవ్ పోలీసులు నెస్ వాడియాపై పలు సెక్షన్ల (354, 504, 506,509 సెక్షన్లు) కింద కేసు నమోదు చేశారు.


