ఎన్నికల వ్యూహకర్తగా పలువురు రాజకీయ పార్టీలను ఎన్నికలలో గెలిపించి కింగ్ మేకర్ గా గుర్తింపు పొందిన పొలిటికల్ స్ట్రాటజిస్ట్  ప్రశాంత్ కిషోర్ ఇప్పుడు స్వయంగా ప్రజాప్రతినిధిగా చట్టసభలో అడుగుపెట్టారు. తన సరికొత్త రాజకీయ ప్రయాణంలో భాగంగా ఆయన బంకిపుర్ శాసనసభ నియోజకవర్గ నూతన ఎమ్మెల్యేగా బీహార్ అసెంబ్లీలో సోమవారం (ఆగస్టు 17) ప్రమాణ స్వీకారం చేశారు.

బీహార్ అసెంబ్లీ స్పీకర్ ప్రేమ్ కుమార్ తన ఛాంబర్‌లోనే ప్రశాంత్ కిషోర్‌తో  ఎమ్మెల్యేగా ప్రమాణం చేయించారు.  జన సురాజ్ పార్టీని స్థాపించి, సుదీర్ఘ పాదయాత్ర ద్వారా ప్రజల్లోకి వెళ్లి చైతన్యం తెచ్చిన పీకే..  ఇప్పుడు అధికారికంగా శాసనసభా కార్యకలాపాల్లో పాల్గొనే అర్హతను సాధించారు.

అసెంబ్లీ ఎన్నికలలో తన జన సురాజ్ పార్టీ ఘోర పరాజయం పాలైనప్పటికీ... ఇటీవల బంకీపూర్ నియోజకవర్గ ఉప ఎన్నికలో ప్రశాంత్ కిశోర్ బీజేపీ కంచు కోటను బద్దలు కొట్టి మరీ విజయం సాధించారు.  ఎమ్మెల్యేగా ప్రశాంత్ కిశోర్ ప్రమాణ స్వీకార కార్యక్రమానికి  జన సురాజ్ పార్టీ సీనియర్ నాయకులు, ముఖ్య కార్యకర్తలు భారీగా హాజరయ్యారు.  

Prashant Kishor, Prashant Kishor MLA Oath, Bankipur Assembly By Election, Jan Suraaj Party, Bihar Politics