వైసీపీ నేత, నటుడు పోసాని కృష్ణమురళిని సిఐడి పోలీసులు ఒకరోజు కస్టడీకి తీసుకున్నారు. గుంటూరుజైలులో రిమాండ్ లో ఉన్న పోసానిని సిఐడి పోలీసులు అదుపులోకి తీసుకున్నారు. కూటమి నేతలపై అనుచిత వ్యాఖ్యలు చేసిన కేసులో పోసానిని సిఐడిపోలీసులు అరెస్ట్ చేసి రిమాండ్ చేసిన సంగతి తెలిసిందే. వైకాపా హాయంలో పోసాని కూటమి నేతలపై అనుచిత వ్యాఖ్యలు చేశారు. ఈ వ్యాఖ్యలపై రాష్ట్ర వ్యాప్తంగా ఆయనపై 17 పోలీస్ స్టేషన్ల పరిధిలో కేసులు నమోదయ్యాయి. ఓబులాపురం పోలీసులు పోసానిని హైద్రాబాద్ నివాసంలో అరెస్ట్ చేసి రాజంపేట జెలుకు రిమాండ్ చేశారు. పోసానికి బెయిల్ వచ్చినప్పటికీ సిఐడి పోలీసులు పీటీ వారెంట్ పై అరెస్ట్ చేసి గుంటూరు జైలుకు రిమాండ్ చేశారు. కోర్టు అనుమతితో సిఐడిపోలీసులు కస్టడీలో తీసుకున్నారు. ప్రస్తుతం పోసానిని విచారిస్తున్నారు. సాయంత్రం ఐదు గంటల వరకు విచారణ కొనసాగనుంది.