ఇంతకాలం ఫేస్‌బుక్‌లోని తన పేజీలో హాట్ హాట్ ఫొటోలు, వీడియోలు పోస్ట్ చేయడం ద్వారా నానా అల్లరీ చేసిన పూనమ్ పాండేకి ఫేస్‌బుక్ షాక్ ఇచ్చింది. పూనమ్ పాండే పేజీని ఫేస్‌బుక్ నిర్దాక్షిణ్యంగా తొలగించింది. అందాలు ఆరబోయడంలో సిద్ధహస్తురాలైన పూనమ్ పాండే ఫేస్ బుక్‌లో తన పేరిట ఒక పేజీని ఏర్పాటు చేసింది. అందులో తాను తీయించుకున్న మసాలా ఫొటోలు, వీడియోలు ఎప్పటికప్పుడు అప్‌లోడ్ చేస్తూ వచ్చింది. పూనమ్ పాండే ఉదారంగా పోజులిచ్చిన ఫొటోల పుణ్యమా అని ఆమె ఫేస్ బుక్ పేజీకి ఫాలోవర్లు బాగా పెరిగిపోయారు. ఎంత పెరిగిపోయారంటే, ఫాలోవర్ల సంఖ్య రెండు లక్షలు దాటిపోయింది. తన అందాలు ఎంతోమందికి చేరువ అవుతున్న ఆనందంలో పూనమ్ పాండే మరిన్ని ‘మంచి’ ఫొటోలను, వీడియోలను అప్‌లోడ్ చేస్తూ వచ్చింది. ఇంతకాలం పూనమ్ పాండే‌ అందాలను మోసిన ఫేస్ బుక్ ఇక చాల్లేమ్మా అనుకుందో ఏమోగానీ, ఆమె పేజీని ఫేస్ బుక్ నుంచి తొలగించింది. తన సరికొత్త ఫొటోలను అప్ లోడ్ చేయాలని ప్రయత్నించిన పూనమ్ పాండే చివరకు తన పేజీయే గల్లంత్ అయ్యేసరికి గాబరా పడింది. ఆ విషయాన్ని ట్విట్టర్లో పోస్ట్ చేసింది. ఇంతకాలం తనను ఫాలో అవుతున్న అభిమానులకు ఎలా న్యాయం చేయాలో అర్థం కావడం లేదంటూ వాపోయింది. తాను ఏం చేస్తే ఫేస్ బుక్ అకౌంట్ మళ్లీ వెనక్కి వస్తోందో చెప్పండి అంటూ రిక్వెస్ట్ చేస్తోంది.