పొన్నాలకు పదవి ఖాయమా?

తెలంగాణ పీసీసీ మాజీ అధ్యక్షుడు పొన్నాల లక్ష్మయ్య...ఏఐసీసీ పదవి కోసం తీవ్రంగా ప్రయత్నిస్తున్నట్లు తెలిసింది, ఏదోఒక పదవి లేకపోతే కార్యకర్తలు కూడా లెక్కచేయరని తెలుసుకున్న పొన్నాల...పార్టీ పోస్ట్ కోసం ముమ్మరంగా ప్రయత్నిస్తున్నారట. తాజాగా కాంగ్రెస్ అధినేత్రి సోనియాగాంధీని కలిసిన పొన్నాల...రాష్ట్రంలో పరిస్థితులపై నివేదిక ఇచ్చి, పనిలో పనిగా తన గురించి ఓ మాట వేశారట, పీసీసీ పదవి పోయాక తనను ఎవరూ పట్టించుకోవడం లేదని పార్టీలో ఏదోఒక పదవి ఇవ్వాలని కోరారట, పీసీసీ చీఫ్ గా ఉన్నప్పుడు తనను సార్ సార్ అంటూ గౌరవించిన నేతలంతా...కనీసం ఇప్పుడు పలకరించడంలేదని తెగ బాధపడుతున్న పొన్నాలకు మరి ఊరట లభిస్తుందో లేదో చూడాలి