పోలీస్ ట్రాన్స్ పోర్ట్ కార్పోరేషన్ టెక్నికల్ విభాగం ఎస్పీ లక్ష్మీ నారాయణని ప్రభుత్వం సస్పెండ్ చేసింది. హెడ్ కానిస్టేబుల్ గిరిప్రసాద్ శర్మతో కలిసి కిడ్నాప్ డ్రామా ఆడారన్న అభియోగంపై శాఖ పరమైన విచారణ జరిపిన తర్వాత క్రమశిక్షణ చర్యకింద ఆయనపై సస్పెన్షన్ వేటు పడింది. ఈ వ్యవహారంలో సస్పెన్షన్లో ఉన్న హెడ్ కానిస్టేబుల్ శర్మని ఉద్యోగంనుంచి తొలగించారు. ఉద్యోగం పోయిందని తెలిసిన వెంటనే పోలీస్ ట్రాన్స్ పోర్ట్ కార్పొరేషన్ లో జరుగుతున్న అక్రమాల్ని పూర్తిగా బైట పెడతానంటూ శర్మ ఆగ్రహాన్ని వ్యక్తం చేశాడు. ఇదివరలోకూడా అవినీతికి సంబంధించిన వివరాలంటూ శర్మ.. కొన్ని శాఖాపరమైన వివరాలతోకూడిన సీడీల్ని బైటపెట్టడం పోలీస్ శాఖ ఉన్నతాధికారులకు తీవ్రస్థాయిలో ఆగ్రహం కలిగించింది.