కేంద్ర ప్రభుత్వం ఆమోదించిన పోలవరం సవరణ బిల్లు చెల్లదని కాంగ్రెస్ నాయకుడు, కేంద్ర మాజీ మంత్రి జైపాల్ రెడ్డి అన్నారు. పోలవరం ఆర్డినెన్స్ రాజ్యాంగ వ్యతిరేకమని ఆయన చెప్పారు. ఆర్టికల్ 3 ప్రకారం వెళ్లకుండా పునర్ వ్యవస్థీకరణ చట్టానికి సవరణ చేయడం దారుణమని ఆయన విమర్శించారు. ‘‘ఆర్టికల్ 3, 4 కింద చేపట్టిన బిల్లు ప్రక్రియ పూర్తయ్యింది. మళ్లీ సవరణ చేసే శక్తి ప్రభుత్వానికి, పార్లమెంటుకు లేదు. రాష్ట్ర విభజన ప్రక్రియ పూర్తయిన తరువాత సవరణలు చేయడం రాజ్యాంగ వ్యతిరేకం. సుప్రీం కోర్టులో ఈ బిల్లు నిలబడదు’’ అని జైపాల్ రెడ్డి అన్నారు.