పోలవరం ముంపు గ్రామాల విషయంలో కాంగ్రెస్ పార్టీ తెచ్చిన ఆర్డినెన్స్‌ని తమ ప్రభుత్వం బిల్లు రూపంలో ఆమోదించిందే తప్ప తమ ప్రభుత్వం ఈ విషయంలో కొత్తగా చేసిందేమీ లేదని కేంద్ర మంత్రి వెంకయ్య నాయుడు అన్నారు. కాంగ్రెస్ పార్టీ తెచ్చిన ఆర్డినెన్స్ విషయంలో కాంగ్రెస్ పార్టీ నాయకులే వ్యతిరేకంగా మాట్లాడుతూ వుండటం ఆశ్చర్యాన్ని కలిగిస్తోందని ఆయన విస్మయం వ్యక్తం చేశారు. పోలవరం ఆర్డినెన్స్ అంశాన్ని రాజకీయం చేయడం, రాజకీయ లబ్ధికి ఉపయోగించుకోవడం, రెండు ప్రాంతాల మధ్య విద్వేషాలు రగిలేలా చేయడం చాలా పొరపాటు అని ఆయన అభిప్రాయపడ్డారు. ఇప్పుడు అందరూ గిరిజనులకు పునరావాసం గురించే ఆలోచిస్తే బాగుంటుందని వెంకయ్య నాయుడు అన్నారు. ముంపు బాధితులకు పునరావాసం కల్పించేందుకు కృతనిశ్చయంతో ఉన్నామని ఆయన చెప్పారు.