ఓటర్లను ఆకర్షించడానికి మోడీ ప్లాన్ వర్కవుట్ అవుతుందా..
Published on: Wed Dec 30, 2015 2:08PM

ప్రధాన మంత్రి నరేంద్ర మోడీ అంతర్జాతీయంగా దేశం అభివృద్ధి చెందడంలో ఎంతగా కృషి చేస్తున్న అవేమి దేశ ప్రజలు పెద్దగా పట్టించుకోనట్టు కనిపిస్తుంది. ఎందుకంటే ఓటర్లను ఆకర్షించడంలో అవేమి పెద్దగా ఉపయోగపడవు కాబట్టి.. ప్రజలు కూడా వాటిని పట్టించుకోవడంలేదు. ప్రజాదరణ పొందాలంటే ప్రజలకు ప్రత్యక్ష లబ్ధి కలిగే పథకాలు అమలు చేయాల్సిందే. ఇప్పుడు మోడీ కూడా ఈ రూటులోకే వచ్చినట్టు తెలుస్తోంది. ఎందుకంటే ఇప్పటికే కేంద్రంలో అత్యధిక మెజార్టీతో గెలుపొందిన కూడా ఆతరువాత ఎన్నికల్లో ఎన్టీఏ ఘోర పరాజయం పొందిన దాఖలాలు ఉన్నాయి..దీంతో మోడీ ఇప్పుడు తన రూటు మార్చి..ప్రజలను ఆకర్షించే విధంగా పనులు చేపట్టాలని చూస్తున్నారంట. దీనిలో భాగంగానే మోడీ ఈ కొత్త సంవత్సరం నుంచి అన్ని ప్రభుత్వ ఆసుపత్రుల్లో రోగ నిర్ధారణ పరీక్షలను ఉచితంగా చేసేందుకు ఆదేశాలు ఇచ్చినట్టు తెలుస్తోంది. ఇక ఈ విధానం ద్వారా ఎంతో మంది ప్రజలకు లాభం చేకూరే అవకాశం ఉన్నట్టు తెలుస్తోంది. మరి మోడీ ప్లాన్ కనుక పక్కాగా వర్కవుట్ అయితే మోడీకి మంచి ప్రజాదారణ లభిస్తుందనడంలో ఎలాంటి సందేహం లేదు.


