మోడీ ఇంటి వద్ద తుపాకీ కాల్పులు..
Published on: Thu Nov 19, 2015 10:22AM

నిన్న రాత్రి ప్రధాని నరేంద్ర మోడీ అధికార నివాసం వద్ద కాల్పులు జరగడంతో కలకలం రేగింది. ఒక పక్క పారిస్ లో ఉగ్రవాదుల తుపాకీ మోతలతో జనాలు భయపడి చస్తున్న నేపథ్యంలో ఈ కాల్పులు జరిగే సరికి కలకలం రేగింది. ఢిల్లీలోని 7, రేస్ కోర్స్ రోడ్లో మోడీ నివాసం ఉండగా.. అక్కడ అత్యంత కట్టుదిట్టమైన భద్రత ఉన్నా.. రాత్రి ఉన్నట్టుండి తుపాకీ మోతలు వచ్చాయి. దీంతో భద్రతా సిబ్బంది ఒక్కసారిగా అప్రమత్తమై ఈ కాల్పులు ఎక్కడినుండి వచ్చాయా అని చూసేసరికి మీడియా పార్కింగ్ వద్ద భద్రతా విధుల్లో ఉన్న ఢిల్లీ పోలీస్ కానిస్టేబుల్ చేతిలోని ఏకే 47 మిస్ ఫైర్ కారణంగానే ఈ కాల్పులు చోటుచేసుకున్నట్లు తేలింది. దీంతో అధికారులు ఊపిరి పీల్చుకున్నారు. తుపాకీని లోడ్ చేస్తుండగా మిస్ ఫైర్ అయి ఈ ఘటన జరిగిందని.. దీనివల్ల ఎవరికి ఎలాంటి గాయాలు అవ్వలేదని చెప్పారు.


