పవన్‌కి వెన్నునొప్పి.... నిజమేనా?

పవర్‌స్టార్, జనసేన వ్యవస్థాపకుడు పవన్ కళ్యాణ్ వెన్నునొప్పితో బాధపడుతున్నారని, ప్రస్తుతం బెంగుళూరులోని ఓ ఆస్పత్రిలో దానికి సంబంధించిన చికిత్స తీసుకుంటున్నారన్న వార్తలు వస్తున్నాయి. పవన్ కళ్యాణ్ నిజంగానే వెన్నునొప్పితో బాధపడుతున్నారా.. లేక మెదక్ ఎన్నికల ప్రచారానికి దూరంగా వుండటానికే వెన్నునొప్పిని సాకుగా చూపిస్తున్నారా అనే అనుమానాలు వ్యక్తమవుతున్నాయి. ఏదేమైనా మెదక్ లోక్ సభ నియోజకవర్గం ఉప ఎన్నిక ప్రచారంలో పవన్ కళ్యాణ్ పాల్గొనకపోవచ్చన్న అభిప్రాయాలు వినిపిస్తున్నాయి. సంగారెడ్డి ఎమ్మెల్యే స్థానం నుంచి ఓడిపోయిన్పపటి నుంచే జగ్గారెడ్డి పవన్ కళ్యాణ్‌తో సన్నిహితంగా వుంటున్నారు. అప్పుడే జగ్గారెడ్డి బీజేపీలో చేరిక మీద అందరికీ అనుమానాలు వచ్చాయి. అయితే పవన్ కళ్యాణ్ ప్రచారం మీద ఎన్నో ఆశలు పెట్టుకున్న జగ్గారెడ్డికి పవన్ ‘వెన్నునొప్పి’ షాక్ ఇచ్చిందని పరిశీలకులు అంటున్నారు.