తెలుగుదేశం పార్టీలో చేరుతున్నట్లు వస్తున్న వార్తలను మెగాస్టార్ చిరంజీవి సోదరుడు నాగబాబు ఖండించారు. తాము ఏ పార్టీలోనూ చేరమని, ప్రస్తుతం మా వృత్తిలో మేము బిజీగా ఉన్నామని ఆయన పత్రిక ప్రకటనలో పేర్కొన్నారు. తాము రాజకీయ పార్టీ పెట్టడం లేదని కూడా నాగబాబు స్పష్టం చేశారు. మీడియా కథనాలు అభిమానులను, ప్రజలను గందరగోళపరిచేలా ఉన్నాయని వాపోయారు. మీడియా ఈ విధంగా ప్రచారం చేయడం దురదృష్టకరమని పేర్కొన్నారు.అయితే ఇటీవల హీరో నందమూరి బాలకృష్ణతో భేటీ అయిన విషయాలను గానీ, పలు జిల్లాలలో బాలకృష్ణ, చంద్రబాబు నాయుడు, పవన్ కళ్యాణ్ లతో కూడిన ఫ్లెక్సీల గురించి ఎలాంటి వ్యాఖ్యలు చేయలేదు.