త్రివిక్రమ్ దర్శకత్వంలో పవన్ కళ్యాణ్ నటించిన "అత్తారింటికి దారేది" సినిమా విడుదలై కలెక్షన్ల వర్షం కురిపిస్తున్న సంగతి అందరికి తెలిసిందే. అయితే ఇప్పటివరకు రాజమౌళి తెరకెక్కించిన "మగధీర" చిత్రం మాత్రమే అత్యధిక కలెక్షన్లను రాబట్టింది. అయితే ఇప్పుడు ఆ రికార్డును పవన్ "అత్తారింటికి దారేది" సినిమా అధిగమించి రికార్డులను తిరగరాసింది.ఈ చిత్రం సోమవారం నాటికీ 73.2 కోట్లు వసూలు చేసి నెంబర్ వన్ స్థానంలో నిలిచింది. బీవిఎస్ఎన్ ప్రసాద్ నిర్మించిన ఈ చిత్రంలో సమంత, ప్రణీత హీరోయిన్లుగా నటించారు. దేవిశ్రీప్రసాద్ సంగీతాన్ని అందించారు.