TeluguOne Health
● # Tweets

Download the TeluguOne App

Choose your platform to continue

మళ్లీ భారత్ కు బెదిరింపు..

Published on: Thu Feb 4, 2016 12:08PM

పఠాన్ కోట్ విమాన స్థావరంపై జరిగిన ఉగ్రదాడికి సూత్రధారి అయిన జైషే మొహమ్మద్ నేత హఫీజ్ సయూద్ మరోసారి భారత్ కు హెచ్చరికలు జారీ చేసినట్టు తెలుస్తోంది. ఓ పబ్లిక్ మీటింగ్ లో పాల్గొన్న ఆయన పఠాన్ కోట్ లో జరిగిన ఉగ్రదాడుల మాదిరి మరిన్ని దాడులు జరుగుతాయని బహిరంగంగానే భారత్ కు వార్నింగ్ ఇచ్చాడు. ఈ హెచ్చరికలతో భారత్ మరోసారి పాకిస్థాన్ పై ఆగ్రహం వ్యక్తం చేస్తుంది. ఇప్పటికే పఠాన్ కోట్ ఉగ్రదాడులకు సయూద్ సూత్రధారి అని తెలుసు.. దీనికి సంబంధించి తమ దగ్గర ఉన్న ఆధారాలను కూడా భారత్ పాకిస్థాన్ కు ఇచ్చింది. కానీ పాక్ మాత్రం నిమ్మకు నీరెత్తనట్టు వ్యవహరిస్తూ.. ఇంత వరకూ అతనిని పట్టుకునేందుకు ప్రయత్నాలు మాత్రం చేయడంలేదు. గతంలో మాత్రం పట్టుకున్నామని చెప్పినా అది అబద్దమని తేల్చేసింది భారత్ నిఘా. ఇక ఇప్పుడు తాజా హెచ్చరికతో భారత్, పాక్ మధ్య జరగాల్సిన చర్చలు మరింత ఇబ్బందుల్లో పడ్డాయి. మరి పాక్ ఇప్పటికైనా సయూద్ పై చర్యలు తీసుకుంటుందో లేదో చూడాలి.