పఠాన్ కోట్ ఉగ్రదాడి.. గృహనిర్బంధ కస్టడీలో మౌలానా మసూద్ అజహర్..?
Published on: Sat Jan 16, 2016 12:33PM

పఠాన్ కోట్ లో ఉగ్రవాదుల దాడికి సూత్రధారి అయిన జైష్-ఏ-మహమ్మద్ చీఫ్ మౌలానా మసూద్ అజహర్ ను గృహనిర్బంధ కస్టడీలో ఉన్నాడని పాకిస్థాన్ వెల్లడించింది. పంబాజ్ లోని పఠాన్ కోట్ విమాన స్థావరంపై దాడి చేసిన ఉగ్రవాదులపై చర్యలు తీసుకోవాలని భారత్ చెప్పిన నేపథ్యంలో పాకిస్థాన్ ప్రధాని నవాజ్ షరీఫ్ అందుకు ఆదేశాలు జారీ చేశారు. దీంతో దర్యాప్తు ముమ్మరం చేసిన పాకిస్థాన్ బృందం అజహర్ గృహనిర్బంధ కస్టడీలో ఉన్నాడని చెప్పింది. కానీ పాక్ న్యాయశాఖ మంత్రి సనావుల్లా మాత్రం మౌలానా మసూద్ అజహర్ ను అరెస్టు చెయ్యలేదని చెప్పారు. అంతేకాదు భారత్ లోని పఠాన్ కోట్ దాడులకు భాద్యులెవరు అని కచ్చితంగా తెలియకుండా మౌలానా మసూద్ అజహర్ ను ఎలా అరెస్టు చేస్తామని న్యాయశాఖ మంత్రి సనావుల్లా ప్రశ్నించారు. ఈ ఘటనపై పాకిస్థాన్ దర్యాప్తు చేపట్టిందని, సాక్షాధారాల కోసం ప్రయత్నాలు చేస్తున్నామని వివరించారు.


