పరిటాల అనుచరుడు చమన్ జడ్పీ చైర్మన్ అయ్యారు
Published on: Sat Jul 5, 2014 4:42PM

గత పదేళ్లుగా అజ్ఞాతంలో జీవితం గడిపి రాజకీయాలలోకి వచ్చిన టిడిపి నేత చమన్ జిల్లా పరిషత్ ఛైర్మన్ అవుతున్నారు. పరిటాల రవికి ముఖ్య అనుచరుడిగా పేరుపడ్డ ఆయన ..పరిటాల హత్య తరువాత అజ్ఞాతంలోకి వెళ్లారు.ఇప్పుడు ఏకంగా జిల్లాపరిషత్ చైర్మన్ అయ్యారు. ఆంధ్రప్రదేశ్లోని ఒకటి రెండు స్థానాలు మినహా అన్ని జెడ్పీ చైర్మన్ స్థానాలను టీడీపీ కైవసం చేసుకునే అవకాశం ఉన్నట్లు తెలుస్తోంది. వైసీపీ తరపున గెలిచిన 9 మంది జెడ్పీటీసీలు టీడీపీ మద్దతు ప్రకటించడంతో నెల్లూరు జెడ్పీ పీఠం కూడా టీడీపీ ఖాతాలోకి చేరే అవకాశం ఉంది. మరోవైపు కృష్ణా జిల్లా జెడ్పీ చైర్మన్గా గద్దె అనురాధ పేరును ముఖ్యమంత్రి చంద్రబాబునాయుడు ఖరారు చేశారు. మచిలీపట్నం జెడ్పీ కార్యాలయంలో అనురాధ ఎన్నిక లాంఛనంగా జరుగనుంది. జెడ్పీ చైర్మన్గా ఎన్నికైన అనురాధను పలువురు నేతలు, జెడ్పీటీసీ సభ్యులు అభినందించారు.


