పరకాల అసెంబ్లీ నోయోజకవర్గంలో పచ్చనోట్లు రాజకీయాంశమవుతున్నాయి. ప్రచార ఘట్టం చివరికి వచ్చేస్తున్నందున అభ్యర్థులు తమ గెలుపు ఖాయం చేసుకునేందుకు పచ్చనోట్లతో ఓటర్లను ప్రలోభపెడుతున్నారు. అయితే విషయం వెలుగులోకి వస్తే మాత్రం ఆ నోట్లకూ తమకూ ఏమాత్రం సంబంధంలేదని చేతులెత్తేస్తున్నారు. తాజామాజీ, వై.ఎస్.ఆర్. కాంగ్రెస్ పార్టీ అభ్యర్థి కొండా సురేఖపై ఈ పచ్చనోట్ల పంపిణీ ఆరోపణ వెలుగులోకి వచ్చింది. ఆమె కరపత్రంతో పాటు 500రూపాయల నోటు ఓటరుకు ఇచ్చిందని మీడియా కోడైకూసింది. విషయం వెలుగులోకి వచ్చాక ఆమె మీడియా ముందుకువచ్చి తానంటే గిట్టని టి.ఆర్.ఎస్. నేతలే ఇటువంటి తప్పుడుపనులు చేస్తున్నారన్నారు. తాను నోటు ఇవ్వలేదని స్పష్టం చేశారు. అడ్డదారుల్లో గెలవటానికి టి.ఆర్.ఎస్. తాపత్రయపడుతోందని, తానైతే ఒక్క కరపత్రం మాత్రమే ఇచ్చానని అంటున్నారు. 15రోజుల క్రితం కూడా వుద్దురాలిని తాను ఓటడిగితే దాన్ని తప్పుడు ప్రచారానికి ఉపయోగించుకున్నారని ఆవేదన వ్యక్తం చేశారు. సురేఖ మాటలు నమ్మొద్దని, ఆమెను అనర్హురాలిగా ఎన్నికల కమీషన్ ప్రకటించాలని టి.ఆర్.ఎస్. కోరుతోంది.