ప్రభుత్వ యంత్రాంగంలో బాధ్యతాయుతమైన పాలన అందించడం,  ప్రజాధనం వృథాను అరికట్టడం లక్ష్యంగా కేంద్ర కీలక నిర్ణయం తీసుకుంది.    కేంద్ర ఆర్థిక మంత్రిత్వ శాఖ ఆధ్వర్యంలో పనిచేసే   వ్యయ విభాగం  దేశవ్యాప్తంగా ఉన్న ప్రభుత్వ అధికారుల వాహనాల వినియోగానికి సంబంధించి  నూతన మార్గదర్శకాలను  జారీ చేసింది. ఈ  మార్గదర్శకాల మేరకు   కేంద్ర ప్రభుత్వ పరిధిలో పనిచేసే ఉన్నతాధికారులందరికీ  ఒక అధికారికి ఒకే కారు  విధానం అమలౌతుంది.  

ఇంత కాలంగా  ప్రభుత్వ శాఖలలో ముఖ్యమైన స్థానాల్లో ఉన్న కొందరు అధికారులు అదనపు బాధ్యతలు  స్వీకరించినప్పుడు లేదా వేర్వేరు ప్రాజెక్టుల ఇన్ఛార్జీలుగా వ్యవహరిస్తున్నప్పుడు ప్రతి పదవికి ఒక వాహనం చొప్పున బహుళ వాహనాలను ఉపయోగిస్తూ వస్తున్నారు. అయితే, సెప్టెంబర్ 2022 నాటి పాత మార్గదర్శకాలకు అనుబంధంగా తాజాగా జారీ చేసిన ఉత్తర్వుల ద్వారా ఆర్థిక శాఖ వ్యయ విభాగం అటువంటి సదుపాయాలకు చెక్ పెట్టాయి. 

కొత్త నిబంధనల ప్రకారం, ఒక అధికారికి ఒకటికి మించిన అదనపు బాధ్యతలు లేదా శాఖలు అప్పగించినప్పటికీ, సదరు అధికారికి రెండో ప్రభుత్వ వాహనాన్ని కేటాయించడానికి   వీలులేదు. అంతేకాకుండా, ప్రభుత్వం అధీనంలోని ప్రభుత్వ రంగ సంస్థలు, వివిధ రకాల కేంద్ర బోర్డులు, స్వయంప్రతిపత్తి సంస్థలకు చెందిన   వాహనాలను ఉన్నతాధికారులు తమ సొంత పనులకు లేదా వ్యక్తిగత ప్రయోజనాలకు వాడటాన్ని పూర్తిగా నిషేధించింది. 

Central Government, , Ministry of Finance, Department of Expenditure, Government Vehicle Rules, Expenditure Guidelines