బంగారం కోసం దుండగులు దేనికైనా తెగిస్తున్నారు. హత్యలకు తెగబడుతున్నారు. కర్నూలు జిల్లాలోని ఆత్మకూరు మండలం జూరాల గ్రామంలో కొందరు దుండగులు వృద్ధ దంపతులను దారుణంగా హత్య చేశారు. వారి వద్ద నుంచి అయిదు తులాల బంగారం ఎత్తుకెళ్లారు. పిల్లలు దగ్గర లేకపోవడంతో ఈ వృద్ధ దంపతులు కొంతకాలంగా ఒంటరిగా వుంటున్నారు. వృద్ధుల దగ్గర బంగారు ఆభరణాలు వున్నాయన్న విషయాన్ని కనిపెట్టిన ఎవరో తెలిసినవారే ఈ ఘాతుకానికి ఒడిగట్టి వుంటారని పోలీసులు అనుమానిస్తున్నారు.