పేరు మారినా అధికారుల తీరు మారలేదు!
Published on: Mon Jul 22, 2024 1:47PM
గతంలో వైఎస్సార్ హెల్త్ యూనివర్సిటీగా వున్న పేరును నెల రోజుల క్రితం ఎన్టీఆర్ హెల్త్ యూనివర్సిటీగా మారుస్తూ ఆంధ్రప్రదేశ్ క్యాబినెట్ నిర్ణయం తీసుకుంది. ఇకపై ఆ యూనివర్సిటీ పేరు ఎన్టీఆర్ హెల్త్ యూనివర్సిటీ అని ప్రభుత్వం స్పష్టంగా ప్రకటించింది. యూనివర్సిటీ పేరు అయితే మారిందిగానీ, అధికారుల తీరు మాత్రం మారలేదు. ఎన్టీఆర్ యూనివర్సిటీని ఇప్పటికీ అధికారులు వైఎస్సార్ యూనివర్సిటీగా భావిస్తున్నారు. యూనివర్సిటీ నుంచి విడుదలయ్యే ఆదేశాలు, నోటిఫికేషన్లు, పేపర్లలో ప్రచురించే ప్రకటనలు అన్నీ వైఎస్సార్ యూనివర్సిటీ పేరు మీదే వస్తున్నాయి. జనం దీన్ని చూసి ఆశ్చర్యపోతున్నారు.
