తన దూకుడైన చర్యలతో ప్రపంచదేశాలను వణికిస్తోన్న ఉత్తరకొరియా అగ్రరాజ్యం ఆదేశాలను సైతం లెక్కచేయకుండా ఖండాంతర క్షిపణిని ప్రయోగించింది. అయితే అది విఫలమైంది. ఈ తెల్లవారుజామున ఉత్తరకొరియా ప్రయోగించిన క్షిపణి నిర్దేశిత లక్ష్యాన్ని చేధించకుండానే మార్గమధ్యంలోనే పేలిపోయింది. ఈ విషయాన్ని దక్షిణ కొరియా, యూఎస్ సైనిక వర్గాలు ధ్రువీకరించాయి. అంతకు ముందు ఈ క్షిపణి ప్రయోగాన్ని విరమించుకోవాలని అమెరికాతో పాటు చైనా అధ్యక్షుడు జీ జిన్ పింగ్ గట్టి హెచ్చరికలు జారీ చేశారు. అయినప్పటికీ నియంత కిమ్ జాంగ్ ఉన్ వినలేదు..