ఏపీ పోలీసులకు వీక్లీ ఆఫా? సారీ!

 

ఆంధ్రప్రదేశ్ పోలీసు శాఖలో సిబ్బంది కొరత తీవ్రంగా వుంది కాబట్టి పోలీసులకు వారాంతపు సెలవు ఇవ్వడం కుదరని ఆంధ్రప్రదేశ్ హోం శాఖ మంత్రి చినరాజప్ప అన్నారు. అయితే ఈ అంశాన్ని పరిశీలిస్తున్నామని ఆయన వివరించారు. పోలీసులకు వారాంతపు సెలవు ఇవ్వాలన్న ఉద్దేశం మంచిదేగానీ, ఆచరణలో ఎంతవరకు సాధ్యమవుతుందనే విషయాన్ని పరిశీలించాలని ఆయన అన్నారు. కొత్త రాష్ట్రం కావడం, సిబ్బంది కొరత తీవ్రంగా వున్న ప్రస్తుత పరిస్థితుల్లో పోలీసులకు వారాంతపు సెలవు ఇవ్వడం సమంజసం కాదేమోనని ఆయన అన్నారు. నెలరోజుల్లో పోలీస్ శాఖను ప్రక్షాళన చేస్తామని మంత్రి చెప్పారు.