కోరికలు ఎవరికైనా ఉంటాయి అది మానవ సహజం.. కానీ వాటిని తీర్చుకోవాలంటేనే కొంచం కష్టపడాల్సి వస్తుంది. సాధారణంగా ఎవరి స్థాయిని బట్టి వారికి కొన్ని కోరికలు ఉంటాయి.. కానీ ఇక్కడ ఓ కేంద్రమంత్రి తన స్థాయికి తగ్గ చిరకాల వాంఛని ఒకటి బయటపెట్టారు. అది వింటే ఎవరైనా వావ్ అనాల్సిందే. కేంద్రమంత్రి నితిన్ గడ్కరి కోరిక ఏంటంటే.. దుబాయ్ బీచ్ ఒడ్డున ఉన్న బూర్జ్ ఖలీఫాకు అంతర్జాతీయంగా అన్నింటికంటే ఎత్తైన భవనం అని అందరికి తెలిసిందే. అయితే ఈ భవనాన్ని మించిన భవనం చూడాలన్నదే నితిన్ గడ్కరి కోరికట. అంతేకాదు అందులో ఏముండాలో కూడా మంత్రిగారు చెప్పుకొచ్చారు. ఆ భారీ భవనంలో 30 అంతస్తులు మీటింగ్స్ కోసం ఉండాలట.. ఇంకో 30 అంతస్తులు రెస్టారెంట్లు.. మరో 30 అంతస్తులు హోటల్స్.. ఇంకో 20 అంతస్తులు షాపింగ్ కోసం.. అయితే దీనితో పాటు ఇంత బిల్డింగ్ ఉన్నప్పుడు అందుకు అనువైన పార్కింగ్ కూడా ఉండాలట. మొత్తానికి గడ్కరి కోరిక వినడానికి చాలా బావున్న అది కట్టేది ఎవరు.. తను చూసేది ఎప్పుడు.