గిట్టనివాళ్ళు వైసీపీ ఎమ్మెల్యే జగన్‌ని ‘నత్తి పకోడీ’ అంటూ వుంటారుగానీ, నిజానికి ఆయన ఒక గొప్ప భాషా శాస్త్రవేత్త. ఆయన ఎప్పటికప్పుడు కొత్తకొత్త పదాలను తెలుగు భాషకు, తెలుగు జాతికి అందిస్తూ వుంటారు. ఆ విధంగా ‘జగన్ తెలుగు నిఘంటువు’లో ఎప్పటికప్పుడు కొత్త కొత్త తెలుగు పదాలు చేరుతూ, తెలుగు భాషను సుసంపన్నం చేస్తూ వుంటాయి. తాజాగా, శుక్రవారం నాడు ఆయన ఒక మీడియా సమావేశం ఏర్పాటు చేశారు. ఆ సమావేశంలో ఎవరూ కెమెరాలతో రావద్దు, చేతులు ఊపుకుంటూ రండి, మేం ఇచ్చే ఫుటేజ్ తీసుకెళ్ళండని ముందే ‘హెచ్చరిక’ జారీ చేశారు. సరే, ఆ విషయం అలా వుంచితే, ఈ ప్రెస్‌మీట్లో జగన్ మరో కొత్త పదాన్ని తెలుగు భాషకి అందించారు. ఆ పదం ఏమిటంటే, ‘కాస్కారం’. జగన్ మాట్లాడుతూ ‘కాస్కారం’ అన్నప్పుడు, అక్కడ వున్న జర్నలిస్టులకు అర్థంకాక జుట్టు పీక్కున్నంత పని చేశారు. ఆలోచించగా, ఆలోచించగా అర్థమైంది ఏమిటంటే, జగన్ ‘తాత్సారం’ అనే మాటని ‘కాస్కారం’ అని అందంగా పలికారన్నమాట.. అసలు పదాన్ని మరోరకంగా మలిచారన్నమాట అని జర్నలిస్టులకు అర్థమైంది.