కొత్త భవనంలో పార్లమెంట్
Published on: Mon Dec 28, 2015 6:07AM
కొత్త పార్లమెంట్ భవన నిర్మాణానికి లోక్‌సభ స్పీకర్ సుమిత్రా మహాజన్ అనుమతిని ఇచ్చారు. భారత దేశానికి అధునాతన సాంకేతిక సదుపాయాలతో కొత్త పార్లమెంటు భవనం అవసరం వుందని సూచిస్తూ స్పీకర్ కేంద్ర పట్టణాభివృద్ధి శాఖ మంత్రి వెంకయ్య నాయుడికి ఒక లేఖరాశారు. 88 సంవత్సరాల క్రితం నిర్మించిన ప్రస్తుత పార్లమెంట్ భవనం ప్రస్తుత అవసరాలను తీర్చలేకపోతోందని, అలాగే ఇప్పుడున్న భవనం పురాతనం కావడం వల్ల ఏవైనా ప్రమాదాలు కూడా జరిగే అవకాశం వుందన్న భయాలు సభ్యుల్లో వున్నాయని ఆమె పేర్కొన్నారు. కొత్త పార్లమెంట్ భవన నిర్మాణం అవసరం అనడానికి తగ పలు కారణాలను స్పీకర్ తన లేఖలో పేర్కొన్నారు. 2026 తర్వాత లోక్‌సభ స్థానాలు పెరిగే అవకాశం వుందని, అప్పుడు ఇప్పుడున్న పార్లమెంట్ భవనం సరిపోదని ఆమె అభిప్రాయపడ్డారు. కొత్త పార్లమెంట్ భవనాన్ని ఎక్కడ నిర్మిస్తే బావుంటుందో కూడా ఆమె తన లేఖలో పేర్కొన్నారు.
