బీజేపీలోకి సుభాష్ చంద్రబోస్ మనమడు..
Published on: Tue Jan 26, 2016 3:05PM

నేతాజీ సుభాష్ చంద్రబోస్ జయంతి సందర్భంగా ప్రధాని నరేంద్ర మోడీ.. నేతాజీకి సంబంధించిన పలు రహస్య ఫైళ్లను బయట పెట్టిన సంగతి తెలిసిందే. ఈ నేపథ్యంలోనే ఓ ఆసక్తికరమైన ఘటన చోటుచేసుకుంది. సుభాష్ చంద్రబోస్ కుటుంబానికి చెందిన వ్యక్తి ఒకరు బీజేపీలోకి చేరుతూ నిర్ణయం తీసుకున్నారు. దీంతో ఇప్పుడు ఇది సంచలనంగా మారింది. పశ్చిమబెంగాల్ లో ప్రముఖుల కుటుంబాల్లో బోస్ కుటుంబం కూడా ఒకటి. అలాంటి బోస్ కుటుంబానికి చెందిన.. ఆయన మనవడు అయిన చంద్రకుమార్ బోస్ బీజేపీలో చేరారు. బీజేపీ పార్టీ అధ్యక్షుడు అమిత్ షా సమక్షంలో ఆయన బీజేపీలో చేరాడు. ఈ సందర్భంగా బోస్ మనమడు మాట్లాడుతూ.. పశ్చిమ బెంగాల్ రాష్ట్రంలో చిట్ ఫండ్ పరిశ్రమ మాత్రమే వృద్ధి చెందుతుందంటూ వ్యాఖ్యానించారు.


