నెల్లూరు మేయర్ పొట్లూరి స్రవంతి ఈ నెల 14 వ తేదిన మేయర్ పదవికి రాజీనామా చేస్తూ...రాజీ నామా లేఖను కలెక్టర్ కు పంపారు. రాజినామాను ఆమోదిస్తూ.. అదే లేఖను నగరపాలక సంస్థ కమిషనర్ కు పంపారు. ఆయన మున్సిపల్ చట్టంలోని సెక్షన్ 1955 అందులోని 92 ప్రకారం మేయర్ పదవిని రద్దు చేస్తూ తిరిగి ఎన్నికల అధికారికి లేఖ పంపారు. తిరిగి ఎన్నిక జరిగినంత వరకు డిప్యూటీ మేయర్ రూఫ్ కుమార్ యాదవ్ ఇంచార్జీ మేయర్ గా కొనసాగడానికి ఉత్తర్వులు జారీ చేశారు. ఈ నెల 18వ తేది కార్పొరేషన్ కార్యాలయం లో అత్యవసర సమావేశం ఏర్పాటు చేస్తున్నారు.