హిందీలో విద్యాబాలన్ ప్రధాన పాత్రలో నటించిన సూపర్ హిట్ చిత్రం "కహాని". ఈ చిత్రంలో విద్యాబాలన్ తన భర్త కోసం వెతికే ప్రెగ్నెంట్ గా నటించింది. అయితే ఈ చిత్రాన్ని తెలుగులో "అనామిక" పేరుతో రీమేక్ చేస్తున్న సంగతి తెలిసిందే. శేఖర్ కమ్ముల దర్శకత్వంలో తెరకెక్కుతున్న ఈ చిత్రంలో నయనతార టైటిల్ పాత్రలో నటిస్తుంది. ఈ చిత్రాన్ని డిసెంబర్ నెలలో విడుదల చేయడానికి సన్నాహాలు చేస్తున్నారు. అయితే ఈ రీమేక్ లో మాత్రం నయనతార ప్రెగ్నెంట్ గా కనిపించదని చెబుతున్నాడు దర్శకుడు శేఖర్. మరి ఈ చిత్రంలో నయనతారను శేఖర్ కమ్ముల ఎలా చూపించాడో మరికొద్ది రోజుల్లోనే తెలియనుంది.