టెన్నిస్ స్టార్ సానియా మీర్జాను తెలంగాణ అంబాసిడర్‌గా నియమించడంపై తలెత్తుతున్న విమర్శలను తెలంగాణ రాష్ట్ర మహిళా నేతలు మండిపడ్డారు. సానియాపై బీజేపీ నేత లక్ష్మణ్ చేసిన వ్యాఖ్యలు దురదృష్టకరమని పార్లమెంటు కాంగ్రెస్ సభ్యురాలు రేణుకా చౌదరి అన్నారు. సానియా యూత్ ఐకాన్ అని, దేశానికి కీర్తిప్రతిష్టలను తెచ్చిపెట్టిందని అన్న రేణుకా చౌదరి డాక్టర్ లక్ష్మణ్ వ్యాఖ్యలను నాన్సెన్స్ అని కొట్టిపారేశారు. తెలంగాణ ప్రభుత్వం సానియా మీర్జాను బ్రాండ్ అంబాసిడర్‌గా నియమించడం పట్ల బిఎస్పీ చీఫ్ మాయావతి హర్షం వ్యక్తం చేయగా, సానియాపై బిజెపి వ్యాఖ్యలు దురదృష్టకరమనికాంగ్రెసు నాయకుడు మనీష్ తివారీ అన్నారు. లక్ష్మణ్ వ్యాఖ్యలు సిల్లీ అని టీఆర్ఎస్ పార్లమెంటు సభ్యురాలు కల్వకుంట కవిత అన్నారు.