తమిళ, తెలుగు, హిందీ భాషల్లో కేరెక్టర్ నటుడిగా మంచి పేరు తెచ్చుకున్న నాజర్ కుమారుడు ఫైజల్ చెన్నైలో రోడ్డు ప్రమాదానికి గురయ్యాడు. ఫైజల్ పరిస్థితి ప్రస్తుతం విషమంగా వున్నట్టు తెలుస్తోంది. తలకు బలంగా గాయాలు తగలడంతో పరిస్థితి చెయ్యిదాటిందని తెలుస్తోంది. ప్రస్తుతం ఫైజల్ చెట్టినాడులోని ఓ ఆస్పత్రిలో చికిత్స పొందుతున్నాడు. ఫైజల్ తన స్నేహితులతో కలసి కారులో చెన్నై నుంచి మహాబలిపురం వైపు వెళ్తుండగా కారు ప్రమాదానికి గురైంది. ఫైజల్ ఈ ప్రమాదం నుంచి కోలుకోవాలని కోరుకుంటూ తమిళనాడులోని అనేకమంది నటులు, నటీమణులు ట్విట్లు పోస్టు చేశారు. ఫైజల్ ఆరోగ్య పరిస్థితి మెరుగుపడాలని మనమూ కోరుకుందాం.