TeluguOne Health
● # Tweets

Download the TeluguOne App

Choose your platform to continue

యుద్ధనౌకలో ప్రధాని మోడీ ప్రయాణం

Published on: Sat Jun 14, 2014 11:39AM

 

భారత ప్రధానమంత్రి నరేంద్రమోడీ ఐఎన్ఎస్ విక్రమాదిత్య యుద్ధనౌకలో ప్రయాణించారు. ఈ యుద్ధ నౌకను జాతికి అంకితం చేసే కార్యక్రమంలో భాగంగా గోవాకి వెళ్ళిన మోడీ, మొదట ఆ నౌకలో ప్రయాణించిన అనంతరం ఐఎన్ఎస్ విక్రమాదిత్య యుద్ధ నౌకను జాతికి అంకితం చేశారు. అంతకుముందు మోడీ భారత నౌకాదళం నుంచి గౌరవ వందనం స్వీకరించి యుద్ధ నౌక మొత్తాన్ని పరిశీలించారు. యుద్ధనౌకలో ఉన్న మిగ్-29కె యుద్ధవిమానంలో కూడా మోడీ కాసేపు కూర్చుని దాని మీద నుంచి అభివాదం చేశారు. ఐఎన్ఎస్ విక్రమాదిత్య యుద్ధనౌక అత్యాధునిక సాంకేతిక పరిజ్ఞానంతో కూడినది. ఇది భారత నౌకాదళంలోనే అత్యంత భారీ నౌక. దీని పొడవు 283.5 మీటర్లు, వెడల్పు 59.8 మీటర్లు. మొత్తం 35 యుద్ధ విమానాలను ఒకేసారి మోసుకెళ్లే సామర్థ్యం విక్రమాదిత్యకు ఉంది. 44,500 టన్నుల బరువున్న విక్రమాదిత్యను రష్యా నుంచి కొనుగోలు చేశారు. యుద్ధనౌకను జాతికి అంకితం చేసే కార్యక్రమంలో మోడీతో పాటు నౌకాదళ ప్రధానాధికారి అడ్మిరల్ ఆర్కే ధవన్ కూడా ఉన్నారు.