కరోనా నేపథ్యంలో సహాయంగా ప్రకాశం జిల్లాలో జర్నలిస్టులకు పురుగు పట్టిన బియ్యం, నాణ్యత లేని వంట నూనె ఇవ్వడం ప్రభుత్వ నిర్లక్ష్య ధోరణికి నిదర్శనమని టీడీపీ జాతీయ ప్రధాన కార్యదర్శి నారా లోకేష్ ట్విట్టర్ వేదికగా మండిపడ్డారు. ప్రాణాలను సైతం లెక్క చెయ్యకుండా నిరంతరం ప్రజలకు సమాచారాన్ని చేరవేస్తూ కరోనా పై జరుగుతున్న పోరాటంలో ముందు వరుసలో ఉన్న జర్నలిస్టులను ప్రభుత్వం అవమానించడం తగదు. ప్రభుత్వం చేసిన తప్పుని సరిదిద్దుకోవాలి. జర్నలిస్టులకు వ్యక్తిగత రక్షణ కిట్లు,50 లక్షల భీమా కల్పించాలని లోకేష్ డిమాండ్ చేశారు.