టిడిపి పార్టీ కార్యక్రమాల్లో చురుకుగా పాల్గొంటున్న నారా లోకేష్ యువతపై దృష్టి పెట్టారు. తిరుపతిలో టీఎన్ఎఫ్ కార్యకర్తలతో సమావేశమయ్యారు. కాంగ్రెస్ దొంగ పుత్రుడు, దత్తపుత్రుడిని నమ్ముకుందని, జగన్‌కు లాలూ గతి తప్పదని నారా లోకేష్ వ్యాఖ్యానించారు. ఒక్క పైసా సంపాదించుకోకుండా,నీతి ,నిజాయితీగా చంద్రబాబు నాయుడు ఐటి రంగం అభివృద్ది కోసం పని చేశారని చెప్పారు. ఫైళ్లను చంకన పెట్టుకుని ప్రపంచం అంతా తిరిగి ఐటి పరిశ్రమను హైదరాబాద్ తీసుకువచ్చారని, ఇది యువత భవిష్యత్తు కోసమేనని ఆయన అన్నారు. యువత తలుచుకుంటే ప్రభంజనం ఖాయమన్నారు. అవినీతిపరులను తరమికొట్టాలని పిలుపునిచ్చారు. ప్రతి కాలేజికి వెళ్లి యువతలో చైతన్యం తెస్తామన్నారు.