టిడిపి అదినేత చంద్రబాబు నాయుడు కుమారుడు లోకేష్ బాగా యాక్టివ్ అవుతున్నట్లే. ఆయన ఏకంగా ఎన్నికల నిర్వహణకు సంబందించిన ప్రజెంటేషన్ ఇవ్వడమే కాకుండా టిడిపి యువ నేతలతో కూడా ప్రత్యేకంగా భేటీ అవుతున్నారు. చంద్రబాబు నివాసంలో పార్టీ యువనేతలతో నారా లోకేష్ శనివారం సాయంత్రం సమావేశమయ్యారు. వచ్చే నెల నుంచి చేపట్టనున్న యువసదస్సులపై ఈ సమావేశంలో చర్చిస్తున్నట్లు తెలుస్తోంది. కాగా ఈ సమావేశంలో లోకేష్ కీలక వ్యాఖ్యలు చేశారు. పార్టీవైపు యువతను ఆకర్షించాల్సిన అవసరం ఉందని, మాస్ ఓటర్లను పార్టీవైపు వచ్చేలా చంద్రబాబు, బాలకృష్ణ, హరికృష్ణ, జూనియర్ ఎన్టీఆర్ చూసుకుంటారని టీఎన్ఎస్ఎఫ్ నేతలతో లోకేష్ అన్నట్లు సమాచారం.