నందమూరి హరికృష్ణ ఇకలేరు
Published on: Wed Aug 29, 2018 9:42AM

సినీ నటుడు, టీడీపీ సీనియర్ నేత, మాజీ ఎంపీ నందమూరి హరికృష్ణ(61) రోడ్డు ప్రమాదంలో మృతి చెందారు.. నల్గొండ సమీపంలోని అన్నేపర్తి వద్ద హరికృష్ణ ప్రయాణిస్తున్న కారు బోల్తా పడడంతో ఆయనకు తీవ్ర గాయాలయ్యాయి.. వెంటనే నార్కట్పల్లిలోని కామినేని ఆస్పత్రికి తరలించారు.. వెంటనే స్పందించిన వైద్యులు చికిత్స అందించేందుకు ప్రయత్నించినా, ఆయన శరీరం సహకరించకపోవడంతో కన్నుమూశారని సమాచారం.. హైదరాబాద్ నుంచి నెల్లూరులోని ఓ వివాహ వేడుకకు వెళ్తుండగా ఈ ప్రమాదం చోటుచేసుకుంది.. ప్రమాద సమయంలో కారులో ఆయనతో సహా ముగ్గురు ఉన్నట్లు సమాచారం.. అతివేగమే ఈ ప్రమాదానికి కారణంగా తెలుస్తోంది.. కారు ఎడమవైపు నుంచి కుడివైపునకు పల్టీ కొట్టి ఎదురుగా వస్తున్న మరో వాహనాన్ని రాసుకుంటూ వెళ్లింది.. ప్రమాదం జరిగిన 10 నిమిషాల్లోనే ఆయనను ఆస్పత్రికి తరలించారు.. వైద్యులు తీవ్రంగా ప్రయత్నించినప్పటికీ ఆయన ప్రాణాలను కాపాడలేకపోయారు.


