తెలంగాణ రాష్ట్ర సమితి అధినేత కేసీఆర్ దమ్ముంటే ఖమ్మం లోక్ సభ స్థానంలో పోటీ చేసి గెలిచి చూపించాలని టీడీపీ ఖమ్మం ఎంపీ నామా నాగేశ్వరరావు సవాల్ కు తెలంగాణ రాష్ట్ర సమితి ఓకే చెప్పింది. దమ్ముంటే నామా నాగేశ్వరరావు లోక్ సభ సభ్యత్వానికి రాజీనామా చేయాలని ప్రతి సవాల్ విసిరింది. టీడీపీ అధినేత చంద్రబాబు నాయుడును ప్రసన్నం చేసుకోవడానికి ఎమ్మెల్యే మోత్కుపల్లి నరసింహులు, ఎంపీ నామా నాగేశ్వరరావులు కేసీఆర్ మీద అనవసర విమర్శలకు దిగుతున్నారని, మోత్కుపల్లి తన ప్రవర్తన మార్చుకోవాలని, లేకుంటే పరాభవం తప్పదని టీఆర్ఎస్ హెచ్చరించింది. ఖమ్మంలో తెలంగాణ వాదం బలహీనంగా ఉందని టీడీపీ ఆపోహా పడుతోందని, నామా రాజీనామా చేసి పోటీకి దిగితే తెలంగాణ వాదం సత్తా ఏంటో తెలుస్తుందని టీఆర్ఎస్ తెలిపింది.