నామా మధుకాన్ కంపెనీ పై చీటింగ్ కేసు..
Published on: Wed Dec 30, 2015 4:31PM

మాజీ ఎంపీ, టీడీపీ నేత నామా నాగేశ్వరారవుకు చెందిన మధుకాన్ కంపెనీపై చీటింగ్ కేసు నమోదైనట్టు తెలుస్తోంది. జూబ్లిహిల్స్ పోలీసులు ఈ కంపెనీ పై చీటింగ్ కేసు నమోదు చేశారు. అసలు సంగతేంటంటే.. ఈపీఎఫ్ ఎఎన్ ఫోర్స్మెంట్ ఆఫీసర్ జేవీఎస్ఎస్ కుమార్ అనే ఉద్యోగి.. మధుకాన్ కంపెనీ తమ నుండి సేకరించిన ప్రావిడెంట్ ఫండ్ డబ్బును తమ అకౌంట్లో జమ చేయడంలేదని పోలీసులకు ఫిర్యాదు చేయడంతో జూబ్లిహిల్స్ లోని రోడ్డు నెం 36 లో ఉన్న మధుకాన్ కంపెనీపై పోలీసులు చీటింగ్ కేసు నమోదు చేశారు. 2009 నుంచి ఉద్యోగుల నుంచి సేకరించిన ప్రావిడెంట్ ఫండ్ డబ్బును మధుకాన్ ప్రాజెక్ట్స్ ఈపీఎఫ్ అకౌంట్లో జమ చేయడం లేదని.. సుమారు రూ. 8.5 లక్షల వరకు అవకవతకలు జరిగాయనే ఉద్దేశంతో పోలీసులకు ఫిర్యాదు చేశానని జేవీఎస్ఎస్ కుమార్ తెలిపారు.


