ప్రముఖనటుడు నాగార్జున తెలంగాణ ముఖ్యమంత్రి కేసిఆర్ తో కాంప్రమైజ్ అయినట్లు తెలుస్తోంది. నాగార్జునకు చెందిన యన్ కన్వెన్షన్ సెంటర్ కోసం 3 ఎకరాల 12 గుంటల ప్రభుత్వభూమిని ఆక్రమించినట్లు నిర్దారిస్తూ జీ.హెచ్.యం.సి. అధికారులు మార్కింగ్స్ వేసారు. దానిపై నాగార్జున అభ్యంతరం వ్యక్తం చేస్తూ హైకోర్టులో పిటిషను వేసారు కూడా. ఆ కేసు అలా వుండగానే ఆయనే స్వయంగా అధికారులు గుర్తించి మార్క్ చేసిన కట్టడాలను తొలగిస్తున్నారు. దీనిని బట్టి చూస్తే నాగార్జున తనకు తానే జాగ్రత్తపడుతున్నట్లుగా తెలుస్తోంది. ప్రభుత్వంతో తెగేదాకా లాగితే మరిన్ని సమస్యలు ఉత్పన్నమవుతాయని భావించి తెలంగాణ సర్కార్ తో రాజీకివచ్చినట్లు గుసగుసలు వినిపిస్తున్నాయి.