నాగాలాండ్ రాష్ట్రంలో ఉగ్రవాదులు కిడ్నాప్ చేసిన ఇద్దరు తెలుగు ఇంజనీర్లు ప్రతీష్ చంద్ర, రఘు విడుదలయ్యారు. ఈ ఇద్దరు ఇంజనీర్లు పనిచేస్తున్న ప‌ృథ్వి కన్‌స్ట్రక్షన్స్, రత్నా కన్‌స్ట్రక్షన్స్ ప్రతినిధులు ఉగ్రవాదులతో జరిపిన చర్చలు ఫలించడంతో ఇంజనీర్లు విడుదలయ్యారు. కిడ్నాపైన ఇంజనీర్లను విడిపించడం కోసం ఆంధ్రప్రదేశ్ రాష్ట్ర ప్రభుత్వం తీసుకున్న శ్రద్ధ కూడా వీరు త్వరగా విడుదల కావడానికి దోహదపడిందని తెలుస్తోంది. విడుదలైన ఇద్దరు ఇంజనీర్లు బుధవారం సాయంత్రానికి విజయవాడ చేరుకునే అవకాశం వుంది. కాగా ఇంజనీర్లు పనిచేస్తున్న కంపెనీల యాజమాన్యం ఉగ్రవాదులకు భారీ మొత్తం ముట్టజెప్పడం వల్లే వీరిని విడుదల చేశారన్న అభిప్రాయాలు వినిపిస్తున్నాయి. ఇటీవలి కాలంలో ఈశాన్య రాష్ట్రాల్లో పనిచేస్తున్న తెలుగువారు కిడ్నాప్‌లకు గురవుతున్నారు. ముందుముందు ఇలాంటి కిడ్నాప్‌లు జరగకుండా నివారించాల్సిన అవసరం వుంది.