నాగచైతన్య హీరోగా మరో చిత్రం ప్రారంభమయ్యింది. అన్నపూర్ణ స్టూడియోస్ బ్యానర్లో నాగార్జున నిర్మిస్తున్న ఈ చిత్రానికి విజయ్ కుమార్ కొండా దర్శకత్వం వహిస్తున్నాడు. పూజా హెగ్డే హీరోయిన్. ఈ సినిమా పూజా కార్యక్రమాలు గురువారం హైదరాబాద్ లో జరిగాయి. ఈ సినిమా గురించి నాగచైతన్య మాట్లాడుతూ.. "దర్శకుడు చెప్పిన కథ కొత్తగా ఉంది. ప్రేమకథా చిత్రాల్లో ఇది ఒక కొత్తరకం. అందరిని అలరించే విధంగా ఉంటుంది" అని అన్నారు. ఈ నెల 23నుంచి రెగ్యులర్ షూటింగ్ జరుపుకోబోతుంది. ఏప్రిల్ వరకు షూటింగ్ పూర్తీ చేయడానికి ప్రయత్నిస్తామని చిత్ర ఎగ్జిక్యుటివ్ నిర్మాత సాయిబాబా అన్నారు. ఈ చిత్రానికి అనూప్ సంగీతాన్ని సమకూరుస్తున్నాడు.