విజయవాడ-ఏలూరు జాతీయ రహదారి మీద కారులో వెళ్తున్న తండ్రీ కొడుకులను చంపిన ఘటనకు సంబంధించి పోలీసులకు కీలక ఆధారాలు, సమాచారం లభిస్తోంది. హంతకులు వాడిన కారును గుర్తించారు. హంతకులు తాము బస వేసిన రాయల్ హంపీ హోటల్ వెనుకే కారును వదిలి వెళ్ళిపోయారు. కారును, కారులో వున్న రెండు పెద్ద పెద్ద కత్తులు, ఒక తుపాకీతో పాటు కొన్ని ఇనుప రాడ్లను పోలీసులు స్వాధీనం చేసుకున్నారు. మూడు హత్యలు చేసిన తర్వాత హంతకులు హోటల్కు చేరుకుని, తాపీగా బిర్యానీ తిని వెళ్లినట్లు తెలుస్తోంది. ఈ బీహార్ ప్రొఫెషనల్ హంతకులు రాయల్ హంపీ హోటల్ నుంచి బయట పడిన తర్వాత వారందరూ రెండు కార్లలో వారు రాజమండ్రి వైపు వెళ్లినట్టుగా పోలీసుల దర్యాప్తులో వెల్లడయింది. హంతకుల్లో అయిదుగురు బీహార్కు చెందినవారు కాగా ఒకరు స్థానికుడని పోలీసులు అనుమానిస్తున్నారు.