ఒక వైపు ఢిల్లీ లో గ్యాంగ్ రేప్ జరిగిన సంఘటనఫై దేశ రాజధానిలో ఆందోళన కార్యక్రమాలు తీవ్ర స్థాయిలో జరుగుతున్న సమయంలో ముంబాయి లో దాదాపు ఇలాంటి సంఘటనే మరొకటి చోటు చేసుకుంది.

 

భర్తను వెతుక్కుంటూ ఎక్కడో నేపాల్ నుండి వచ్చిన ఓ యువతిఫై స్థానిక వ్యక్తులు అత్యాచారానికి పాల్పడ్డారు. పవన్ ఎక్స్ ప్రెస్ లో నేపాల్ నుండి ముంబాయి వచ్చిన ఆ యువతి ముందుగా తన భర్త పని చేసే ప్రాంతానికి వెళ్ళింది. అక్కడ తన భర్త ఆచూకీ తెలియలేదు. దీనితో ఆమె ఈ విషయంలో తన భర్త స్నేహితుడు జుల్ఫీకర్ సహాయం కోరింది. ఆ వ్యక్తి మాత్రం ఆమెను తన ఇంటికి తీసుకు వెళ్లి ఈ అఘాయిత్యానికి పాల్పడ్డాడు. అక్కడినుండి ఆమెను లాడ్జీ కి తీసుకువెళ్లగా, మరో ఇద్దరు వ్యక్తులు కూడా ఆమెఫై అత్యాచారం చేశారు.

 

ఆ యువతి ఇచ్చిన ఫిర్యాదుతో పోలీసులు జుల్ఫీకర్ తో పాటు మరో వ్యక్తిని అరెస్టు చేశారు. మరో నిందితుని కోసం గాలిస్తున్నారు.