ముద్రగడ కాపు ఐక్య గర్జన ఉద్యమం..
Published on: Sun Jan 31, 2016 3:59PM

తూర్పుగోదావరి జిల్లా తునిలో మాజీ మంత్రి ముద్రగడ పద్మనాభం కాపు ఐక్య గర్జన సభ నిర్వహించారు. కాపులను ఎప్పటినుండో బీసీ వర్గంలోకి చేర్చాలని పద్మనాభం ఎప్పటినుండో డిమాండ్ చేస్తున్నారు. ఈ సందర్భంగా ఆయన రోజు ఐక్య గర్జన సభ నిర్వహించి రైల్ రోకో, రాస్తా రోకోలకు పిలుపునిచ్చారు. తమ డిమాండ్ తీర్చే వరకూ నిరసన చేపడతామని.. సమీపంలోని రైలుపట్టాలపై బైఠాయించారు..అనంతరం పక్కన ఉన్న జాతీయ రహదారిపైకి చేరుకుని ఆందోళన చేపట్టారు. కాపులను బలహీన వర్గాల జాబితాలో చేర్చి రిజర్వేషన్లు కల్పించాలని, ఎన్నికలకు ముందు సీఎం చంద్రబాబు కాపులకు ఇచ్చిన హామీలు నెరవేర్చాలని డిమాండ్ చేశారు. మరోవైపు కార్యకర్తలు రైల్వే ట్రాక్, రోడ్లను దిగ్బంధించడంతో రైళ్లు, వాహనాలు ఎక్కడికక్కడ ఆగిపోయాయి.


