కన్న పిల్లలను కడుపులో పెట్టుకుని దాచుకుని కంటికి రెప్పలా కాపాడాల్సిన తల్లే మృత్యుదేవతలా మారింది. తన కూతుర్ని, కొడుకుని దారుణంగా గాయపరిచి వారు చావు బతుకుల మధ్య కొట్టుమిట్టాడే పరిస్థితి తెచ్చింది. తాను కూడా ఆత్మహత్య చేసుకుంది. కర్నాటకలోని బళ్లారి జిల్లా సిరిగేరి ప్రాంతంలోని కరూరు గ్రామానికి చెందిన మహేష్, లక్ష్మి దంపతులకు సంసారంలో కలతలు వున్నాయి. వీరికి ఇద్దరు పిల్లలున్నారు. వీరిద్దరికీ నిరంతరం గొడవలు జరుగుతూనే వుంటాయి. బుధవారం రాత్రి వీరిద్దరూ పెద్దపెద్దగా అరుచుకుని గొడవపడ్డారు. ఆ తర్వాత మహేష్ బయటకి వెళ్లిపోగానే ఆ తల్లి తన కొడుకు, కూతుర్ని కూరగాయలు కోసే కత్తితో దారుణంగా గాయపరిచింది. పిల్లలు చనిపోయారని అనుకున్న తర్వాత తాను కూడా ఉరి వేసుకుని చనిపోయింది. అయితే భర్త, స్థానికులు ముగ్గుర్నీ హుటాహుటిగా ఆస్పత్రికి తరలించారు. అయితే లక్ష్మి చనిపోయింది. పిల్లలిద్దరూ చావుబతుకుల మధ్య కొట్టుమిట్టాడుతున్నారు.