బాత్ రూంలో కోట్లకి కోట్లు నల్లధనం..

పెద్ద నోట్ల రద్దు అనంతరం దేశ వ్యాప్తంగా పెద్ద మొత్తంలో నల్లధనం బయటపడుతున్న సంగతి తెలిసిందే. ఇప్పుడు దిమ్మతిరిగే విధంగా కర్ణాటకలో పెద్ద ఎత్తున నల్లధనం బయటపడింది. అది కూడా బాత్ రూంలో. వివరాల ప్రకారం... కర్ణాటకలోని హుబ్లీలో ఐటీ శాఖ అధికారులు ఓ హవాలా డీలర్ ఇంటిలో సోదాలు చేశారు. ఈ సోదాలో భాగంగానే స్నానాల గదిలో కూడా చూడగా అక్కడ ఉన్న డబ్బును చూసి దిమ్మతిరిగిపోయింది. బాత్ రూంలో రూ. 5.7 కోట్లు కొత్త నోట్లు, రూ. 90 లక్షల పాత నోట్లను స్వాధీనం చేసుకున్నారు. అంతేకాకుండా 32 కిలోల బంగారాన్ని స్వాధీనం చేసుకున్నట్లు అధికారులు తెలిపారు. కేసు నమోదు చేసుకున్న పోలీసులు దర్యాప్తు చేపట్టారు. డీలర్ ను విచారిస్తున్నారు.