TeluguOne Health
● # Tweets

Download the TeluguOne App

Choose your platform to continue

తొడకొట్టి, జిప్ తీసిన మంత్రి... టీడీపీ తీవ్ర ఆరోపణలు

Published on: Thu Jun 18, 2020 9:48AM

నిన్న శాసన మండలిలో బిల్లుల ఆమోదం విషయంలో అధికార విపక్షాల మధ్య తీవ్ర వాగ్వివాదం జరిగింది. ఈ సందర్భంగా వైసిపి మంత్రులు వీధి రౌడీల్లా ప్రవర్తించారని టీడీపీ ఎమ్మెల్సీలు దీపక్ రెడ్డి, అశోక్ బాబు ఆరోపించారు. పెద్దల సభ అయిన శాసన మండలిలో మంత్రి అనిల్ కుమార్ తొడ కొట్టారని అలాగే జిప్ తీసి తీవ్ర దూషణలకు దిగారని వారు ఆరోపించారు. మహిళా ఉద్యోగులు, సభ్యులు ఉన్న సభలో మంత్రి ఇలా ప్రవర్తించడంతో మిగిలిన సభ్యులు హతాశులయ్యారు. మరో మంత్రి టీడీపీ సభ్యుల పై దాడికి పాల్పడ్డారని ప్రజలకు వాస్తవాలు తెలియాలంటే జరిగిన ఘటన వీడియోలను ఎడిట్ చేయకుండా బయట పెట్టాలని వారు డిమాండ్ చేశారు. సభలో మంత్రులు వాడిన భాష చూస్తే ఈ మంత్రులను ప్రజలు గ్రామాల్లోకి కూడా రానివ్వరని అన్నారు. మంత్రుల పై టీడీపీ సభ్యులు దాడి చేసారని ఆరోపిస్తున్న అధికార పక్షం వీడియో ఫుటేజ్ ను బయట పెట్టాలని ఎమ్మెల్సీ దీపక్ రెడ్డి డిమాండ్ చేశారు.